له 20ی خاكهلێوهی ئهمساڵدا، چوار ساڵ بهسهر دامهزرانی رێكخراوی داكۆكی له مافی مرۆڤ له كوردستان دا (RMMK) به سهرۆكایهتیی رۆژنامهنووس و تێكۆشهری بواری مافه مرۆیییهكان، محهممهد سهدیق كهبوودوهند، رابرد.
رێكخراوی داكۆكی له مافی مرۆڤ له كوردستان، لهگهڵ دامهزرانیدا، ئامانجه سهرهكییهكانی خۆی بهم جۆره راگهیاند:
1ـ ههوڵدان بۆ هێنانهدیی ماف و ئازادییه دانپێدانراوهكان له بهیاننامهی جیهانیی مافی مرۆڤدا و... هاندان بۆ چوونه نێو پهیماننامهكانی تایبهت به مافی مرۆڤ و قبووڵكردنی پێوانهو رێوشوێنه نوێیهكانی مافی مرۆڤ.
2ـ ههوڵدان بۆ بهڕێوهبردن و رهچاوكردنی مافه مهدهنی و سیاسییهكان، مافه ئابووری، كۆمهڵایهتی و فهرههنگییهكان و مافه گشتی¬یهكان... هاندان بۆ رهچاوكردنی بنهما جیهانداگرو دابهشنهكراوهكان و پێكهوهبهستراوهیی دوو لایهنهی ههموو مافهكانی مرۆڤ.
3ـ ههوڵدان به مهبهستی چاوهدێری و پارێزگاریی مافی مرۆڤ، دژكردهوه نیشاندان بهرامبهر پێشێلكردنی مافی مرۆڤ و پێشگیری لهم پێشێلكردنانه، هاندان بۆ نههێشتنی بوارهكانی ترس و رهنج و نهداری و پێویستی و ههڵاواردن و، دهستڕاگهیشتن به ئازادی، دادپهروهری، ئاشتی و ههموو مافێكی مرۆڤ.
4ـ ههوڵدان بۆ فێركردن و پرهوپێدانی مافی مرۆڤ و دێموكراسی، رهچاوكردنی دێموكراسی وهك بناغه و ههوێنی پاراستنی مافی مرۆڤ، بههێزكردن و بهرهو پێشبردنی دێموكراسی، حكوومهتی قانوون و پهرهپێدانی كۆمهڵگهی مهدهنی، هاندانی گیانی جیاوازی و جۆراوجۆری، قبووڵی ئهویترو وێكههڵكردن، بهرپرسیاربوون، نهمانی توندوتیژی، هاوپێوهندی و، بهڕێخستنی هاوههنگاوی و هاوكاری له سیستمی نێونهتهوهیی مافی مرۆڤ دا.
5ـ ههوڵدان بۆ پهرهپێدانی پێوهندیی دۆستانهی نێوان نهتهوهو قهومهكان، دهستڕاگهیشتن به لێك تێگهیشتنی هاوبهش لهسهر بناغهی یهكسانیی مافهكان، بنهمای نهمانی ههڵاواردن و، پێكهوه ژیانی ئاشتیخوازانه، هاندانی رێزگرتن له خودموختاری و مافی دیاریكردنی چارهنووسی نهتهوهكان، میللییهتهكان و قهومهكانی دانیشتووی ئێران و وڵاتانی ناوچه به گوێرهی نیوهرۆكی مهنشووری نهتهوهیهكگرتووهكان و مهنشووری مافی مرۆڤ.
ههر له سهرهتاوه دیار بوو دامهزرێنهران و ئهندامانی رێكخراوی مافی مرۆڤ له كوردستان، شانیان داوهته ژێر ئهركێكی زۆر قورس و پڕمهترسی. ئهوان له كاتێكدا خۆیان بۆ خزمهتی مافی مرۆڤ و كار بۆ ئامانجهكانی رێكخراوهكهیان تهرخان كرد كه به زاڵبوونهوهی كۆنهپارێزان بهسهر ههموو ناوهندهكانی دهسهڵات و بڕیاردان دا، ههلومهرجێكی سهخت و كهشوههویهكی پڕ له سهركوت بهسهرئێراندا، زاڵ ببۆوه. ئهو راستییهشیان دهزانی كه كاركردن بۆ مافهكانی مرۆڤ و دێموكراسی له ئێران به گشتی و له رۆژههڵاتی كوردستان¬دا به تایبهتی، وهك رۆیشتن به نێو مهیدانی مین دایهو، زۆر زهحمهته به سڵامهتی لهو مهیدانه تێپهڕن. ئهوان چارهنووسی زۆر لهو كهسایهتییانهیان له ساڵانی پێشتردا دیبوو كه به تاوانی دهنگ ههڵبڕین دژی دیكتاتۆری و سانسۆرو سهركوت و، سهبارهت به لهقاودانی پێشێلكرانی مافی مرۆڤ، تیرۆر یا بێ سهروشوێن كرابوون، یا له ئهشكهنجهگاكانی كۆماری ئیسلامی¬دا، به دهم ئازارو نهخۆشی و كهم ئهندامییهوه دهتلانهوه.
بۆ سهختی و پڕمهترسیبوونی كاری بهرپرسان و پهیامنێرانی رێكخراوی داكۆكی له مافی مرۆڤ له كوردستان ههر ئهوهنده بهسه بزانین له وڵاتێكی وهك ئێراندا كهسایهتییهكی له ئاستی دنیادا ناسراوی وهك شیرین عیبادی كه خهڵاتی ئاشتیی نۆبێلی وهرگرتوه، ئازادیی تێكۆشان له بوارهكهیدا نیهو، بهردهوام لهگهڵ بێ¬ڕێزی، بیانوو پێگرتن، كارشكێنی و ههڕهشهی دهسهڵاتداران بهرهوڕوویه. شتێكی زۆر سروشتییه، ئهوانهی سهربازێكی بێ¬ناو نیشانی مرۆڤایهتین و له ئاستی وڵات و ناوچهو دنیادا، پشتیوانییهكی كاریگهریان لێ ناكرێ، زۆر به هاسانی سهركوت دهكرێن. بهڵام تێكۆشهرانی سهر به رێكخراوی داكۆكی له مافی مرۆڤ له كوردستان، سهرهڕای ههموو كۆسپ و ههڕهشهو مهترسییهك، ئهركی پیرۆزو مرۆڤدۆستانهی خۆیان بهرهو پێش بردوه. داخرانی وێبلاگ و ماڵپهڕهكانیان، بانگ كرانی پهیتا پهیتایان بۆ بهناو دادگاكان و پهروهندهسازیی وهزارهتی ئیتلاعات بۆ ههر كامێكیان، پهلكێش كرانیان بۆ بهندیخانهو، لهدهستدانی كارو بژیوی ژیان و زۆر سهختیی دیكه، ههنگاوی بهوان شل نهكردوه.
هیچ رۆژێك نیه پهیامنێرانی رێكخراوی داكۆكی له مافی مرۆڤ چهندین نموونه له پێشێلكردنی مافی مرۆڤ له كوردستان لهقاو نهدهن و خهڵكی كوردستان و، بیروڕای گشتی و میدیاكانی لێ ئاگادار نهكهن. شانازیی ئهو رێكخراوه ههر لهوهدا نیه كه له داهێنانی كولتووری كاری رێكخراوهیی و به كۆمهڵ له پێناوی مافی مرۆڤدا، له كوردستان رهچهشكێن بووه، بهڵكوو لهوهش دایه كه به گیرانی سهرۆك و بهڕێوهبهران و پهیامنێرانی، كارو تێكۆشانی مرۆڤدۆستانهی رێكخراو ناوهستێ و، كۆمهڵێكی دیكه له چالاكانی سهر بهو رێكخراوه دێنه مهیدان و رهساڵهتی خۆیان درێژه دهدهن. سهرۆكی ئهو رێكخراوه، بهڕێز محهممهد سهدیق كهبوودوهند، كه له پووشپهڕی 1387هوه گیراوهو یازده ساڵ زیندانی دراوهتێ، بۆ خۆی نموونهیهكی زۆر بهرز له فیداكاری له پێناو ئامانجه بهرزهكانی خۆی و رێكخراوهكهی دایه. چونكه سهرهڕای نهخۆشكهوتنی له زینداندا و ههموو ههڕهشهو فشارێك، نهك ههر له بهرانبهر ویستی دهسهڵاتداراندا كۆڵی نهداوه، بهڵكوو له بهندیخانهشهوه، له ئهركهكانی غافڵ نیهو به نامهو پهیامهكانی، بهردهوام دهستدرێژیی دهسهڵاتداران و دهزگای قهزایی و ئۆرگانه جۆراوجۆرهكانی كۆماری ئیسلامی بۆ سهر مافهكانی هاونیشتمانانی لهقاو داوه.
بنیات و دامهزراوه مرۆڤدۆستهكانی جیهان لهم یهك دوو ساڵهی دواییدا، چهندجار رێزیان له تێكۆشانی رێكخراوی داكۆكی له مافی مرۆڤ له كوردستان ناوه كه دوا نموونهیان بهخشینی خهڵاتی بنیادی "بریتیش پرێس ئێوارد" له 31ی مارسی ئهمساڵ دا به سهرۆكی ئهو رێكخراوه بوو. با له سهرهتای پێنجهمین ساڵی تێكۆشانی ئهو رێكخراوهدا، ههمووی ئێمه وهك تاكێك له كۆمهڵی كوردستان و نهتهوهی كوردو، وهك ئهو حیزب و رێكخراوه سیاسییانهی بۆ مافی مرۆڤ و ئازادییهكانی نهتهوهكهمان خهبات دهكهین، رێز لهو رێكخراوهو تێكۆشهرانی بگرین و پشتیوانی له ههوڵه بهنرخهكانیان بكهین به ئهركی ههمیشهیی خۆمان.
ئهم نووسینهم به چهند رستهیهك له پهیامی كهبوودوهند به بۆنهی چوارهمین ساڵڕۆژی دامهزرانی رێكخراوی RMMK، كۆتایی پێ دێنم: "هیوادارم ئهمساڵ بكهینه ساڵی مافی مرۆڤ له كوردستان و ساڵی به نێونهتهوهیی كردنی پرسی مافی مرۆڤی، خهڵكی كوردستان و ساڵی به جیهانیكردنی تێكۆشانی رێكخراوی داكۆكی له مافی مرۆڤ له كوردستاندا...".
پیرۆز بێ تێپهڕكردنی سهربهرزانهی ساڵێكی دیكه له تێكۆشان له پێناوی ئامانجه بهرزو پیرۆزهكاندا.
به هیوای ئازادیی كهبوودوهندو تێكڕای تێكۆشهرانی بهندكراوی بواری مافی مرۆڤ
به ئاواتی پهرهگرتنی ههرچی زیاتری بزووتنهوهی خهبات له پێناو مافهكانی مرۆڤ له كوردستانداو سهركهوتنی ئهو بزووتنهوهیه.
z ڕێکهوتی 2009/4/22-15:04 لهلایان qader wirya
بۆ چوونهکان(0) -
?
